E silia ma le 20 alo ma fanau tamaitai ,13 tausaga agai ile 18 tausaga le matutua na mafai ona maua le avanoa e auai ile ulua’i aso o le polokalame “Fun Festival” ile malae soka i Tuanaimato.
O lenei polokalame ua faapito augafa lea mo na o alo ma fanau tamaitai, ma oloo galulue faatasi ai poloakalame a le Asosi Soka o le Just Play ma le This Is How We Football ile tuufaatasia o lenei polokamale taua.
E fa aso toanai ua atofa e faatino ai lenei polokalame poo aso taalo foi mo fanau ua maea ona resitala mai i totonu o le polokalame.
O le auga ma le faamoemoe ia mafai e fanau tamaitai nei ona aoaoina mai nisi o vaega taua i totonu o siosiomaga tau taaloga, e pei o le faaaogaina o lou leo e faaleo ai se vaega oloo iloa e fanau nei e leo sa’o ma saogalemu mo latou i totonu o le taaloga soka.
Ma e auala uma mai na aoaoga i lalo o se tasi o polokalame taua a le vaega o le Just Play ua taua o le Safeguarding.
Sa aoaoina foi fanau ile taua o le faaaloalo i soo se tamaitai i luga o le malae i taimi o taaloga.
O le aso Toanai o le vaiaso nei o lea toe faaauau ai lenei polokamale mo a lo ma fanau tamaitai.
