E toe lua aso o totoe ona tu’ua lea o Samoa e fanau e i lalo ifo o le 16 tausaga le matutua ua filifilia e fai ma ave fu’a o Samoa ile taamilosaga a le OFC U-16 Men’s Championship 2026.
I le ta’ita’iga malu a le faiaoga ulu po’o le olo’o fai ma fa’aulu’uluga o le vaega a le Technical o le Asosi Soka a Samoa le alii ia Michael Martines.
Faatasi ai ma le lagolago sua a alii sui faiaoga ua loa le tautua ile taaloga soka, ia Pualele Lemana, Faapopo I’amafana ma Joseph Kapisi.
O le taeao o le Aso Gafua lenei na faamaea aloaia ai loa toleniga masani a le ‘au talu mai le masina o Fepuari o le tausaga nei.
I le tatou faatalanoaga ma le susuga ile faiaoga ulu ia Michael na ia taua ai le tele o le suiga o le taaalo ua mafai ona ia molimauina ile taimi nei i fanau pe a faatusa atu ile faatoa amataga lava o toleniga.
Sa faafaigata ona aoaoina e fanau nisi o lesona fou sa ia taumafai e faailoa iai, vaaia le faavaivai o fanau pe a umi ona faatino toleniga, peitai e oo mai ile taimi nei.
Ua pei o le selo i tama taaalo le aoaoina o soo se tomai fou poo se lesona fou e aoaoina i aso taitasi o toleniga.
Ma ua manino foi le faasologa o taaloga a le tatou au oloo ile Kulupu A (Group A) ma o le tatou taaloga muamua lava ua fatulaga ile aso
- 12 Iulai 2026: Papua New Guinea vs Samoa
- 15 Iulai 2026: Samoa vs Fiji
- 18 Iulai 2026: Samoa vs New Caledonia
O le vaveao o le aso Lulu o le vaiaso nei ua faamautu ai le tuua ai e sui faiaoga ma fanau nei o tatou laufanua mo Papua Niu Kini.
