E 10 aoga tulaga lua olea tauva ile taamilosaga soka tasi le aso, e faama’ea aloa’ia ai le valu vaiaso o a latou polokalame faagasolo i lalo o le vaega a le Just Play a le Samoa Football.
O aoga nei e aofia ai le aoga tulaga lua a Falefitu, Lepea, St Paul Academy, Magiagi, Vailele, Vaimea, Letogo, Vaivase, Fagalii ma Aele.
E tolu vaega o tausaga o fanau nei ua vaevaeina ai aoga nei, o le vaega 10 tausaga le matutua, vaega 12 tausaga le matutua ma le 14 tausaga le matutua.
Ma o vaega uma na e tolu ua maea ona saunia e le vaega Just Play ipu (trophy) mo tamaiti taaalo lelei ao faatino taamilosaga ile aso Tofi.
Ua afua ona faatino lea taamilosaga, ina ua maea aloaia le valu vaiaso sa tuuina atu i faiaoga o aoga taitasi nei sa auai mai ile mafutaga faaleaoaoga sa faa malamalama uma ai vaega poo ma le faasologa olea polokalame i ona alafua sa’o.
O lenei la taamilosaga e leo se faatauva pei ona saunoa ai le oloo faauluulu ai le polokalame Just Play, le susuga ia Pelenatete Taei.
Ole polokalame lenei ua na o se taamilosaga e faailoa atu ai i fanau le talia sapaia ma le tauia lelei o lo latou tautiga ile valu vaiaso ua maea.
