Ole’a tolu ai nei tausaga sosoo o tumau pea le avea ai o le Kalapu Soka a Vaipuna e tauave le igoa o Samoa i taamilosaga Liki Soka a le Oseania.
Ina ua faamaonia le tulaga muamua poo le ‘ai silia o le ‘au alii matutua (Premier Men) ile taamilosaga muamua (round 1) o le Liki Soka 2026.
Ua mae’a ta’aloga e iva o le ta’amilosaga muamua, ma manino ai le tulaga muamua o le kalapu a Vaipuna, manumalo ile valu taaloga manumalo tasi le taaloga tutusa, ma o lo’o avea pea ma ‘au e le’i faia’ina talu ona amata le Liki Soka.
Ma o le tuufatasiga lava ia o sikoa na o latou maua e 74 (goals) ae na’o le 2 na sao atu i totonu o lo latou upega, ma maua ai se eseesega mata’ina e +72.
O se taunu’uga mata’ina ma ua manino ai le malosi o le osofa’iga a Vaipuna ae sili ai ole mausalī o le latou puipuiga talu mai le faasologa o a latou taaloga e iva muamua.
Taua e se tasi o faiaoga sinia o le au a Vaipuna, e ui o lo’o lelei le amataga o le taamilosaga, ae ua latou iloa lelei e le’i mae’a le taamilosaga. Ma e tumau pea le ‘au i le fa’aauauina o nei fa’atinoga lelei ma taumafai e fa’ai’u le isi taamilosaga lua ina ia mafai ai onasiamupini.
O le tausaga ua mavae o le uluai taimi lea o Vaipuna sa mafai ai ona latou manumalo ile taamilosaga muamua poo le round 1, ma o se laasaga mataina lea mo alo ma fanau o lenei kalapu soka ina ua maea ane le faatulagana o au pito i luga ole taamilosaga o le tausaga lenei o loo ‘ai silia foi le kalapu lava lenei.
